Россия 90-ларда рус халқи ва Россиядаги бошқа халқларнинг ватанпарварлиги, жасурлиги, сабр-тоқатлилиги ва меҳнатсеварлиги туфайли фуқаролар урушидан қутулиб қолган. Бу ҳақда Россия президенти Владимир Путин Сочи шаҳридаги “Валдай” халқаро дискуссион клубининг навбатдаги йиғилишида маълум қилди.
“Россия ҳар қандай халқ, ҳар қандай миллат ва мамлакат учун энг ёмон нарса – давлатнинг парчаланиши ва йўқолиб кетиши ёқасига келиб қолганди. Бу таҳдид қил устида турганди ва буни кўпчилик ҳис қила бошлаганди. Биз ўшанда йирик миқёсдаги фуқаролар уруши ботқоғига ботиб қолишимиз, давлат бирлиги ва суверенитетини йўқотишимиз ҳамда жаҳон сиёсатидан ташқарида қолишимиз мумкин эди. Фақат рус халқи ва Россиядаги бошқа халқларнинг ватанпарварлиги, жасурлиги, сабр-тоқатлилиги ва меҳнатсеварлиги туфайлигина мамлакатимиз бу хавфли чегарадан узоқлашди”, - деди Путин. Унинг сўзларидан РИА Новости келтирмоқда.
Россия раҳбарининг маълум қилишича, 90-йилларда Россия тарихидаги энг оғир даврни бошдан кечирган. Россия ички сиёсий, ижтимоий ва иқтисодий инқирозлар билан бир қаторда халқаро терроризм томонидан ҳужумга учраган.
Украина президенти Россия билан музокараларга тайёр эканини айтди
Эрон ракеталарининг аксарияти Исроилнинг Аrrow мудофаа тизими ёрдамида қўшни давлатлар устида уриб туширилган
Москва Исроилнинг эҳтимолий ҳужумидан ҳимоя қилиш учун Эронга замонавий қирувчи ва ҳаво мудофаа тизимларини топшириши мумкин
