Путин Курск вилояти тўлиқ озод қилинганини эълон қилди

Владимир Путин Курск вилояти тўлиқ озод қилинганини эълон қилди.

"Россия армияси Курск чегарасида душманни тўлиқ тор-мор қилди", — деб баёнот берди Россия президенти Владимир Путин, РФ Қуролли кучлари Бош штаби раҳбари Валерий Герасимовнинг ҳисоботидан сўнг.

Путиннинг сўзларига кўра, Украина армияси Курск вилоятида "катта йўқотишларга учраган".

Герасимов эса Курск вилоятини озод қилишда КХДР ҳарбийлари "юқори профессионаллик" кўрсатганини таъкидлади. Бу Россия раcмийларининг биринчи марта Шимолий Корея қўшинлари Курск вилояти учун олиб борилган жангларда иштирок этганини расман тан олиши ҳисобланади.