Путин ЖАР президентига Трампнинг элчиси билан учрашув якунлари ҳақида маълумот берди

Россия президенти Владимир Путин Жанубий Африка Республикаси президенти Сирил Рамафоса билан телефон орқали мулоқот қилди.

Кремль матбуот хизмати хабар беришича, Россия етакчиси ўз суҳбатдошини АҚШ етакчисининг элчиси Стивен Уиткофф билан учрашув якунлари ҳақида маълум қилган.

Путин ва Рамафоса, шунингдек, Россия-Жанубий Африка ҳар томонлама ҳамкорликни янада ривожлантириш масалаларини муҳокама қилди. Президентлар, шунингдек, алоқаларни давом эттиришга келишиб олдилар.

Эслатиб ўтамиз, 6 август куни Путин Москвада Трампнинг махсус вакили билан учрашган эди. Учрашувдан сўнг Россия президенти ёрдамчиси Юрий Ушаков яқин кунларда Путин ва Трампнинг учрашуви келишиб олинишини айтди.