Путин ҳар ой 24 минг аскарни қурбон қилмоқда — Германия канцлери

Олаф Шолцнинг сўзларига кўра, Украинадаги урушда бир ой давомида ўртача ҳисобда шунча россиялик ҳарбий хизматчи ҳалок бўляпти ёки оғир яраланяпти.

"Буларнинг ҳаммаси Россия президентининг империалистик амбициялари учун қилинмоқда. Путин Украина ва Беларусни Россиянинг бир қисми деб ҳисоблайди ва шу билан ўнлаб йиллар давомида амалда бўлган чегаралар дахлсизлиги тамойилини бузди. Путин кўплаб украиналик ҳарбийлар ва тинч аҳолининг ўлими учун ҳам жавобгардир", — дея таъкидлади Германия ҳукумати раҳбари.