Путин Украина билан тинчлик келишуви имзоланган тақдирда Россия томонидан ҳам қисман ҳудудлар алмашинуви амалга оширилишини истисно қилмади — “Коммерсант”.
"Россия президенти Владимир Путин ҳали ҳам Анкорижда ўтган саммитда АҚШ президенти Доналд Трамп билан келишиб олинган ён беришларга боришга тайёрлигини билдирди. У бу ҳақда пайшанба куни, 25 декабрда давлат кенгаши мажлисида айтди", деб ёзади “Коммерсант” газетаси.
“Страна” нашрининг қайд этишича, гап Кремл томонидан 2022 йил кузида босиб олинган ҳудудларда ўтказилган “референдумлар” натижасига таяниб “Россияга тегишли” деб эълон қилинган Запорижжя ва Херсон вилоятлари ҳудудларидан Украина қўшинларини олиб чиқиш талабидан воз кечиш ҳақида бормоқда.
“Коммерсант” маълумотига кўра, давлат кенгаши мажлисида Путин энг кўп АҚШ ва Украина билан урушни тўхтатиш режаси бўйича олиб борилаётган музокаралар жараёни ҳақида гапирган. Хусусан, у “Россия томонидан ҳам қисман ҳудудлар алмашинуви мумкин” эканини истисно қилмаган. Бироқ Путин “Донецк вилоятидаги Краматорск–Константиновка–Славянск тугунининг кимга тегишлилиги масаласи муҳокама қилинмайди”, деб қўшимча қилган.
Шунингдек, у Европа етакчилари билан музокаралардан кейин АҚШ томони ўзининг айрим таклифларидан “четга чиққанини” айтган ва буни “заифлик аломати” деб атаган.
Африкада ўзини "пайғамбар" деб атаётган шахс қурган кема атрофида ўн минглаб одам тўпланди
Ўқитувчилар ва тиббиёт ходимларининг ойлиги 2 баравар оширилади
Биз Сурияга бир қарич ҳам ер бермаймиз
