Путин БАА президенти билан телефон орқали мулоқот қилди – Кремль

Владимир Путин Муҳаммад бин Зоид Ол Наҳаёнга Россия ва Украина ўртасидаги асирлар алмашинувида воситачилик қилгани учун миннатдорчилик билдирди.

Шунингдек, томонлар Украина можаросини ҳал этиш йўлларини топиш мақсадида Россия-АҚШ мулоқотини ривожлантириш масаласини муҳокама қилдилар.

БАА президенти Россия ва АҚШ томонидан амалга оширилаётган саъй-ҳаракатларни қўллаб-қувватлади, хусусан, бугун Ар-Риёдда ўтказилаётган эксперт гуруҳлари маслаҳатларини мамнуният билан кутиб олди.