Арманистоннинг Европа Иттифоқига қўшилиш истаги унинг халқининг қонуний ҳуқуқи, аммо бу йўналиш мамлакатнинг Евроосиё иқтисодий иттифоқига (ЕОИИ) аъзолигини давом эттириш учун қийинчиликлар туғдиради, деб таъкидлади Россия президенти Владимир Путин.
Путин бу баёнотни Шанхай ҳамкорлик ташкилоти (ШҲТ) саммити доирасида Арманистон бош вазири Никол Пашинян билан учрашувда айтди.
"Арманистоннинг Европа Иттифоқига қўшилиш истаги мамлакат ва унинг халқининг табиий, қонуний ҳуқуқидир. Арманистон суверен давлатдир. Арман халқи унинг ривожланиш йўналишини белгилайди. Аммо бу унинг Евроосиё иқтисодий иттифоқига аъзолиги учун қийинчиликлар туғдиради", деди Путин.
У Ереваннинг Европа Иттифоқига қўшилиш ниятини Пашинян билан бир неча бор муҳокама қилганини таъкидлади.
Учрашув давомида Путин шунингдек, Пашиняннинг Арманистон ЕОИИдан чиқишини эълон қилмаганлиги ҳақидаги позициясига қўшилмади.
"Сиз чиқишингизни эълон қилмаганингизни айтдингиз", деди Путин Пашинянга мурожаат қилиб.
"Арманистоннинг Европа Иттифоқига қўшилиш истаги мамлакат ва унинг халқининг табиий, қонуний ҳуқуқидир. Арманистон суверен давлатдир. Арман халқи унинг ривожланиш йўналишини белгилайди. Аммо бу унинг Евроосиё иқтисодий иттифоқига аъзолиги учун қийинчиликлар туғдиради. Россия раҳбарининг сўзларига кўра, Арманистоннинг бошқа иқтисодий ташкилотга қўшилиш жараёнини бошлайдиган қонунни қабул қилиши, аслида, ЕОИИдан чиқиш тўғрисидаги декларацияга тенг, чунки иккала ташкилотга бир вақтнинг ўзида аъзо бўлиш мумкин эмас.
"Бошқа иқтисодий ташкилотга қўшилиш жараёнини бошлайдиган қонунни қабул қилиш, аслида, бизникидан чиқиш тўғрисидаги декларацияга тенг. Чунки иккаласига ҳам аъзолик мос келмайди. Муаммо шунда", деб таъкидлади Путин.
Тошкент давлат юридик университетида контракт нархлари кескин ошди
“Агар мен президент бўлмаганимда, Исроил ҳам бўлмас эди”
Москвага яширин ташриф: АҚШ бош жосуси Путинга қандай хабар келтирди?
