Туркия Россияга авиапарвозларни бекор қилишни бошлади

Сўнгги 24 соат ичида Москва аэропортларида 80 га яқин рейс бекор қилинди ёки кечиктирилди. Жумладан, Анталиядаги туристлар Домодедовога деярли 10 соатдан бери учиб кета олмаяпти. “Бизни нима кутаётганини билмаймиз, Туркия томони парвозларни тақиқламоқда”, дейилади Pegasus авиакомпанияси хабарида. Таъкидланишича, бунга ҳаво ҳудудидаги вазият сабаб қилиб кўрсатилмоқда. Аввалроқ, Зеленский Украина Россия ҳаво ҳудудини блокировка қилиш кампаниясини бошлаганини маьлум қилган эди.