Президентнинг синглиси пора олганликда айбланмоқда

Аргентина президентининг синглиси, Президент маъмурияти бош котиби лавозимини эгаллаб турган Карина Милей дори-дармонларни харид қилишда коррупцион схемаларда иштирок этганликда айбланмоқда. Бу ҳақда CNN телеканали хабар берди.

Телеканал маълумотларига кўра, маҳаллий Carnaval стриминг-каналида Карина Милей ва юқори мартабали амалдорлар ўртасидаги суҳбатлар мавжуд бўлган аудиоёзувлар чоп этилган. Ушбу ёзувларда унинг коррупция схемаларида иштирок этганлиги тўғрисида тўғридан-тўғри далиллар мавжуд эмас, лекин Аргентина Ногиронлар миллий агентлиги учун дори-дармонлар нархининг ошириб юборилиши билан боғлиқ бўлиши мумкин. Суҳбатларнинг бир қисми президент саройи ичида ёзиб олинган.

Президент матбуот котиби Мануэль Адорни аллақачон Хавьер Милей маъмурияти Федерал судга шикоят қилганини эълон қилди. Уларнинг фикрича, аудиоёзув ноқонуний равишда олинган ва сайлов кампанияси қизғинда мамлакатдаги вазиятни беқарорлаштиришга қаратилган.

Аргентина федерал судьяси Милейнинг синглисига тегишли аудиоёзувларни нашр этишни тақиқлаш ҳақида қарор чиқарди.