Президент девони раҳбари лавозимини ким эгаллайди?

Бош вазир ўринбосари Михаило Федоров номзоди Украина Президенти девони раҳбари лавозимига кўриб чиқилмоқда.

Бу ҳақда Олий Рада депутати Алексий Гончаренко ўзининг Telegram-каналида маълум қилди.

Унга кўра, бош вазир Юлия Свириденко ўз лавозимида қолади.

Айни пайтда, Insider.ua сайтининг хабар беришича, Фёдоров бош вазир бўлиши мумкин, Свириденко эса истеъфога чиққан Андрей Ермак ўрнига Президент девонини бошқаради.

Нашр яна бир номзод сифатида Мудофаа вазири Денис Шмигални ҳам кўрсатмоқда. Нашрнинг таъкидлашича, якуний қарор эртага номзодлар билан бўлиб ўтган музокаралардан сўнг қабул қилинади.