"Италиянинг Prada мода уйи, АҚШнинг Capri Holdings компаниясидан Versace'ни сотиб олиш бўйича келишувга эришди. Prada компанияси келишув суммаси 1,25 миллиард евро (1,38 миллиард доллар) эканлигини эълон қилди", дея хабар бермоқда АFP.
Агентликнинг қайд этишича, Prada'нинг Versace'ни сотиб олиши 6 миллиард евро айланмага эга бўлган конгломерат яратиш имконини беради, бу эса бозордаги энг йирик ўйинчилар — LVMH ва Kering'га рақобат кўрсатиши мумкин.
Маълумот учун, Versace компаниясига 1978 йилда дизайнер ва моделер Жанни Версаче томонидан асос солинган. 1997 йилда, Versace асосчиси ўлдирилганидан сўнг, компанияни Жаннининг укаси Донателла Версаче бошқарган. 2025 йил мартида Донателла Версаче Versace брендининг ижодий директорлик лавозимидан кетиши маълум бўлди.
Prada компаниясига 1913 йилда асос солинган. Ҳозирда уни Миучча Прада бошқаради. Компаниянинг 80% акциялари ҳали ҳам Прада оиласига тегишли.
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
Ван Дамм Путинга мурожаат қилди
