Португалияда президент сайловлари: ҳеч бир номзод 50 фоиз тўпламади, иккинчи тур ўтказилади

Португалияда президент сайловларининг биринчи турида ҳеч бир номзод 50 фоиздан ортиқ овоз ололмади, шу боис иккинчи тур белгиланди.

Report хабарига кўра, социалист Антониу Жозе Сегуру 31,1 фоиз овоз билан пешқадам. Иккинчи ўринни 23,5 фоиз натижа билан ўнг радикал Chega! партияси раҳбари Андре Вентура эгаллади.

Учинчи ўринда “Либерал ташаббус” партиясидан Европа парламенти депутати Жоау Котрим Фигейредо — 15,9 фоиз.

Иккинчи тур 8 февраль куни ўтказилади. Бу Португалия тарихида 1986 йилдан бери биринчи, 1976 йилда демократия ўрнатилганидан буён эса иккинчи бор президент сайловлари иккинчи турга қолиши ҳисобланади.