Польшада 16 та дрон қолдиқлари топилди

Чоршанба куни кечқурун Польшада 16 та учувчисиз учиш аппарати қолдиқлари топилди.

Бу ҳақда Польша ички ишлар ва маъмурият вазирлиги маълум қилди.

"16 та дроннинг қолдиқлари топилди", — дейилади хабарда.

Бошқарманинг қўшимча қилишича, бўлимга бўйсунувчи хизматлар, биринчи навбатда, ички ишлар органлари, чегара қўшинлари ва Давлат ёнғин хавфсизлиги хизмати ходимлари фаол иш олиб бормоқда ва доимий шай ҳолатда.

Аввалроқ Польша Ички ишлар вазирлиги матбуот котиби Каролина Галецка "келиб чиқиши номаълум" ракета қолдиқлари ва 12 та дрон бўлаклари топилгани ҳақида хабар берган эди.

Бунгача Польша қуролли кучларининг оператив қўмондонлиги мамлакат ҳаво ҳудудида чегарани бузган учувчисиз учиш объектларини зарарсизлантириш бўйича операция ўтказилгани ҳақида эълон қилган эди. Польша ва НАТО иттифоқчиларининг самолётлари огоҳлантирилди, уларга қарши қурол ишлатди, объектлар уриб туширилди. Польша ва НАТО ҳаво ҳужумидан мудофаа кучлари, авиация юқори шай ҳолатга келтирилгач, нормал иш режимига қайтди.

Польша бош вазири Доналд Туск журналистларга Россия ўз мамлакати ҳаво ҳудудини учувчисиз учоқлар билан бузгани ва бу кенг кўламли провокация бўлиши мумкинлигини айтди.