Польша ўз ҳудудига "холислар коалицияси" қўшинларини жойлаштиришга қарши эмас

Польша Украина учун хавфсизлик кафолатларини таъминлаш учун ўз ҳудудига "холислар коалицияси" қўшинларининг киритилишига қарши эмас.

Бу ҳақда Польша ташқи ишлар вазири Радослав Сикорский Парижда "Веймар учбурчаги" форматидаги (Польша, Германия ва Франция) учрашув якунлари бўйича журналистларга маълум қилган. Матбуот анжумани TVP Info телеканали томонидан намойиш этилди.

Германия канцлери Фридрих Мерцнинг Берлиннинг Украинага қўшни мамлакатларга қўшин киритиши мумкинлиги ҳақидаги баёнотига изоҳ берар экан, "Аслида немис иттифоқчиларимизнинг Польшада бўлиши ҳеч қандай янгилик бўлмайди", деди Сикорский.

Дипломатнинг қўшимча қилишича, Варшава бошқа давлатлар, жумладан Норвегия ва Франция билан ҳам ўз қўшинларини баъзи "тайёргарлик форматларида" жойлаштириш масаласини муҳокама қилмоқда. "Бу тафсилотлар армиямиз бош штаби бошлиқлари ўртасида муҳокама қилиш учун", - деди у.

Мерц, Париждаги "холислар коалицияси" йиғилишидан кейинги матбуот анжуманида Германия Украинада мумкин бўлган ўт очишни тўхтатиш бўйича саъй-ҳаракатларга ҳисса қўшишга ва, хусусан, НАТО ҳудудига ўз қўшинларини жойлаштиришга тайёрлигини айтди.