Польша пиёдаларга қарши миналарни ишлаб чиқаришни бошлаш режасини эълон қилди

Польша пиёдаларга қарши миналарни тақиқловчи Оттава конвенциясидан чиқишини эълон қилганидан кейин пиёдаларга қарши миналар ишлаб чиқаришни бошлаш ниятида. Бу ҳақда миналарни тақиқлаш бўйича халқаро кампания (ICBL) раҳбари Тамар Габельник маълум қилди.

Аввалроқ Польша ва Болтиқбўйи давлатлари мудофаа вазирлари пиёдаларга қарши миналарни тақиқловчи Оттава конвенциясидан чиқишга тайёр эканликларини маълум қилган ва уларнинг давлат раҳбарларига тегишли қарор қабул қилишни тавсия қилган эди.

Бирлашган Миллатлар Ташкилотининг Женевадаги (ACANU) аккредитациядан ўтган журналистлар уюшмаси учун брифингда Габельник шундай деди:

"Ушбу давлатлар билан бўлган музокараларимизда улар пиёдаларга қарши миналардан фойдаланишни режалаштирмаётганига амин бўлдик, бироқ улар керак бўлса, буни қилиш ҳуқуқи ва қобилиятига эга бўлишни хоҳлайди. Польша пиёдаларга қарши миналарни ишлаб чиқаришни бошламоқчи эканлигини эълон қилди, аммо бу эълон ва уларни ишлаб чиқариш бошланиши ўртасида узоқ вақт бўлади".