Покистонда mpox вирусини юқтиришнинг олтинчи ҳолати аниқланди

Покистонда чечак М (mpox) билан касалланган 6 та ҳолат қайд этилган.

Покистон Соғлиқни сақлаш вазирлиги баёнотида айтилишича, вирус Яқин Шарқдаги мамлакатдан қайтган Хайбер-Пахтунхва вилоятининг Дир туманидан бир кишида аниқланган.

Қайд этилишича, Пешовар аэропортида ўтказилган тиббий кўрик натижаси ижобий чиққанидан сўнг, касалланган шахс карантинга олинган.

Аниқлик киритилишича, Покистонда қайд этилган 6 та ҳолатнинг барчаси хориждан келган шахсларда аниқланган.

М вируси 14 август куни Жаҳон соғлиқни сақлаш ташкилоти (ЖССТ) томонидан «халқаро соғлиқни сақлаш фавқулодда ҳолати» деб эълон қилинди.