Покистон президенти Асиф Али Зардорий Дубай халқаро аэропортида самолётдан тушиш вақтида оёғини синдириб олди. Бу ҳақда Dawn нашри президент котибияти матбуот хизматига таяниб хабар берди.
Маълумотларга кўра, давлат раҳбари йиқилганидан сўнг дарҳол касалхонага етказилган ва тиббий кўрикдан ўтказилгандан сўнг оёғига гипс қўйилган.
Қайд этилишича, Зардорий айни дамда тўлиқ таътилда. Президент тўрт ҳафта давомида гипсда қолиши керак.
69 ёшли президент сўнгги йилларда соғлиғида бир қанча муаммоларга дуч келган. 2023 йилнинг март ойида Бирлашган Араб Амирликларида кўзини операция қилдирди.
Шунингдек, Покистон президенти 2022 йилда Карачидаги кўкрак қафасидаги инфекцияни даволаш учун бир ҳафта муддатга касалхонага ётқизилган. Соғлиги ҳақда кўплаб миш-мишлар чиққанидан сўнг, унинг шахсий шифокори Асим Ҳусайн Х ижтимоий тармоқларда унинг "саломатлиги яхши" эканлигини тасдиқлади.
Бир йил муқаддам Зардорий доимий саёҳатлар натижасида юзага келган “чарчоқ” туфайли Карачидаги хусусий шифохонада даволанган.
Президентдан “дух” олган Омонбоевага суд ҳукми ўқилди
Алишер Усмонов номзодини 103та давлат қўллаб-қувватлади
Россия Украина ҳудудини «рекорд тезликда» эгаллаб олди
