Исломободда бўлиб ўтган Эрон-Америка музокаралари давомида Покистон Ҳормуз бўғозида кемаларни тартибга солиш ташаббусини тақдим этди, бу қўшма патрулларни ўз ичига олади.
Бу ҳақда Al Jazeera ҳукумати манбасига таяниб хабар берди.
"Покистон томони Ҳормуз бўғози орқали кемаларнинг ўтишини тартибга солиш ташаббусини тақдим этди. Бу таклиф бўғоз сувларида қўшма патрулларни ўз ичига олади", деди манба.
Бундан ташқари, манбанинг таъкидлашича, "Америка ва Эрон томонлари ўртасидаги музокаралар тўғридан-тўғри бўлиб ўтди ва Покистон бевосита иштирок этди".
Financial Times аввалроқ икки мамлакат делегациялари ўртасидаги музокаралар Ҳормуз бўғози устидан назорат бўйича боши берк кўчага кирганини хабар қилган эди.
Эслатиб ўтамиз, Покистон воситачилигида Эрон ва АҚШ ўртасидаги музокараларнинг биринчи куни Исломободда якунланди. Вашингтонни маслаҳатлашувларда вице-президент Жей Ди Вэнс бошчилигидаги делегация вакиллик қилмоқда, унга шунингдек, президентнинг махсус элчиси Стив Уиткофф ва тадбиркор Жаред Кушнер ҳам киради. Эрон вакиллари орасида Эрон парламенти раиси Муҳаммад Багҳер Ғолибаф ва ташқи ишлар вазири Аббос Арағчи бор. Учрашувда Покистон армияси штаби бошлиғи Асим Мунир ҳам иштирок этмоқда.
Теҳронда Олий раҳбар вафоти муносабати билан катта мотам маросими бўлиб ўтмоқда
Жавоҳир Синдаров ва ижтимоий тармоқларни портлатган сурат
Тадбиркор президентдан 2–3 тонна олтин сўради ва....
