Пенсионерларнинг пластик картасидан пул ечилганда ҳеч қайси банкда фоиз олинмайди

Эндиликда барча тижорат банкларида пенсионерлар пластик картасидан нақд пул ечганда фоиз ундирилмайдиган бўлди. 

Республикамиздаги карантин шароитида пенсиялар банк пластик карталарига ўтказилиши сабабли пенсионерларнинг пластик карталари орқали амалга оширилган операциялар учун комиссион тўловларни ундирмаслик тартиби жорий этилмоқда.  

Бу пенсионерлар пластик картага тушган пенсиясини нақдлаштирганда терминал ёки банкомат қайси банкники бўлишидан қатъий назар фоиз олинмайди, дегани.