Ўзбекистонда ўқитувчиликка қабул қилиш жараёни танлов асосида ташкил этилади.
Илк бор қабул қилинган номзодлар 1 йил ўқитувчи-стажёр бўлиб ишлайди ва йил якуни билан касбий сертификат олиши шарт бўлади. Келгусида бу тизим барча ўқитувчилар учун босқичма-босқич жорий қилинади.
Педагог кадрларга касбий сертификат бериш тартиби Сингапур ва Бирлашган Араб Амирлиги тажрибаси асосида ишлаб чиқилади.
Муаллимларга малака тоифасини бериш қуйидаги босқичларда амалга оширилади:
➖педагогнинг билими дастлабки имтиҳонда баҳоланиб, 70 фоиздан кўп балл тўплаганлар иккинчи босқичга ўтади;
➖ илғор педагогик технологияларни қўллаши, ўқувчилар билан ишлаш методикаси ва баҳолашдаги ёндашувлари текширилади, билим ва маҳорати натижаларига қараб, муаллимга малака тоифаси берилади.
Эслатиб ўтамиз, малака тоифасини бериш бўйича янги тартиб 2024-йил 1-январдан жорий қилинади.
