Парижда 400 йил олдин йўқолган Рубенс картинаси тасодифан топилди

Париждаги қасрлардан бирида Питер Пол Рубенснинг XVII асрнинг биринчи чорагига оид "Хочдаги Масиҳ" картинаси топилди. Бу ҳақда Franceinfo телеканали хабар берди.

"Мен бу дурдона "Хочдаги Масиҳ"ни 2024 йил сентябрь ойида инвентаризация пайтида топиб олдим" - деди Осенат аукцион уйи аукционери ва директори Жан-Пьер Осен.

1613 йилда яратилган бўлиши мумкин бўлган бу дурдонани Осен Парижнинг 6-округидаги қасрни инвентаризация қилиш пайтида топди.

Аввалроқ Ўрта ер денгизи тубида Франция қирғоқлари яқинида XVI-асрга оид чўкиб кетган кеманинг қолдиқлари топилган эди. Мутахассисларнинг фикрича, кема Италия шимоли-ғарбидаги портдан сузиб кетаётган бўлиши мумкин эди.