Франция Исроилнинг Фаластинни тан олиш эҳтимоли бўйича босимини рад этди. Ташқи ишлар вазири Жан-Ноел Барротнинг айтишича, Париж Яқин Шарқ бўйича қарор қабул қилишда мустақил бўлиб қолади.
Бу баёнот Фаластинни тан олган давлатларга нисбатан "бир томонлама чоралар" билан таҳдид қилган Исроил ташқи ишлар вазири Гидеон Саарга жавобан айтилди.
"Ҳеч ким Франциянинг позициясини айтиб бермайди", деди Баррот. Унинг сўзларига кўра, Франция Яқин Шарқдаги можаронинг Исроил ва фаластинликларнинг манфаатларига жавоб берадиган узоқ муддатли сиёсий ечимига ишонади.
Франция президенти Эммануел Макрон аввалроқ Париж Саудия Арабистони билан ҳамкорликда ташкил этаётган БМТнинг июн конференсиясида бир қатор давлатлар Фаластин давлатини тан олишини эълон қилишлари мумкинлигини айтган эди.
Бу баёнот Исроилда кескин муносабат билан кузатилди. Макрон бунга жавобан “Ҳамассиз Фаластин давлати” ҳақида гапираётганини, шу билан бирга Исроил хавфсизлигини таъминлаганини айтди.
Исроил Бош вазири Бинямин Нетаняху Макрон билан телефон суҳбатида Парижни Фаластин давлатлигини тан олишдан огоҳлантирди.
