Маълумотларга кўра, АZAL самолётига қарши ракета учириш буйруғини 51-ҳаво ҳужумидан мудофаа дивизияси командири берган. Нашр бу маълумот қаердан олинганини очиқламаган. Ҳозирча бошқа манбалар бу хабарни тасдиқлагани йўқ.
Мinval'нинг хабар беришича, АZAL самолётига зарба берган ракета учирилган вақтда қуйидаги ҳарбийлар навбатчиликда бўлган: 51-дивизия катта штурмани капитан Дмитрий Пудовкин, Жанубий ҳарбий округ штаби оператив навбатчиси подполковник Владимир Яновский ва 4-гвардия ҳаво мудофааси армияси бошқарув пункти навбатчиси полковник Геннадий Ерeменко.
Россиянинг Astra нашри маълумотлар базасидан сизиб чиққан ҳужжатларга таяниб, Minval тилга олган россиялик бу уч шахс ҳақиқатдан ҳам Россия армиясига алоқадор эканини хабар қилди.
22 июл куни Минвал Озарбойжон йўловчи самолётига ҳужум қилиш буйруғини 51-дивизия командири, генерал-майор Александр Толопило берганини ёзган эди. Нашрга кўра, бу ҳақда ички текширув давомида подполковник Николай Орлянский айтган. Айнан у Толопилодан буйруқ олиб, Пудовкинга нишонни йўқ қилиш топшириғини берган.
Эслатиб ўтамиз, Озарбойжоннинг AZAL авиакомпаниясига тегишли Embraer E190 самолёти 2024 йил 25 декабрда Қозоғистоннинг Оқтов шаҳрида ҳалокатга учраган эди. Самолёт Бокудан Грознийга йўл олган бўлиб, Кавказ минтақасига уюштирилган дрон ҳужумлари вақтида унга Россия ҳаво ҳужумидан мудофаа кучлари ракетаси билан зарба берилган. Кейинчалик самолёт Каспий денгизи орқали Қозоғистонга йўналтирилган эди. Ҳалокат натижасида 38 киши ҳалок бўлган эди.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
