Осиё иқтисодиёти 2025 йилда 4,5 фоизга ўсиши мумкин

Осиё иқтисодиёти 2025 йилда 4,5 фоизга ўсади, харид қобилияти паритетидаги жаҳон ялпи ички маҳсулотидаги улуши эса 48,6 фоизга етади. Бу ҳақда Боао Осиё форуми ҳисоботида айтилади, деб хабар беради TV BRICS.

Хитой, Ҳиндистон, Вьетнам, Мўғулистон, Камбоджа ва Индонезия иқтисодий ўсиш 5 фоиздан ошганда юқори ўсиш суръатларини сақлаб қолишлари прогноз қилинмоқда.

Ҳисоботда, шунингдек, Осиё иқтисодиётига киритилаётган хорижий инвестициялар жаҳон умумий ҳажмининг 60 фоизини ташкил этиши қайд этилган. Инвесторлар учун энг жозибадор йўналишлар Хитой ва Жануби-Шарқий Осиё Миллатлар Уюшмаси (АСЕАН) мамлакатлари бўлиб қолмоқда. Бундан ташқари, минтақа илмий-тадқиқот ва ишланмаларга сармоя киритиш ва патентга берилган талабномалар сони бўйича етакчи ҳисобланади.

Қайд этилишича, Осиёнинг иқтисодий интеграцияси савдо келишувлари, жумладан, Минтақавий кенг қамровли иқтисодий шериклик, Транс-Тинч океани шериклиги ва рақамли иқтисодиёт бўйича ҳамкорлик тўғрисидаги битимлар орқали чуқурлашмоқда. Пекин Ижтимоий фанлар академиясининг илмий ходими Ван Пеннинг айтишича, савдо тўсиқларининг камайиши ва сармоявий ҳамкорликнинг кенгайиши ҳам интеграция жараёнини тезлаштирмоқда.

Ҳисоботга кўра, Хитой Осиё-Тинч океани минтақасида савдо барқарорлигини таъминлаб, глобал қиймат занжирларининг асосий бўғини бўлиб қолмоқда. Мамлакатда рақамли иқтисодиётнинг жадал ўсиши, электрон тижорат ва мобил тўловлар соҳасида етакчилик, Хитой иқтисодиётининг юқори даражадаги очиқлиги минтақавий ҳамкорлик ва иқтисодий ривожланиш учун янги имкониятлар яратмоқда.