Россия Федерациясининг Курск вилоятидаги Олешня қишлоғи чеккаларида "шиддатли жанглар" давом этмоқда. Бу ҳақда ТАСС агентлигига Россия хавфсизлик кучлари хабар берди.
"Олешня қишлоғи чеккаларида шиддатли жанглар кетмоқда. Рақиб зирҳли техникадан фаол фойдаланмоқда," - дея таъкидлади агентлик манбаси.
Унинг сўзларига кўра, ҳужум гуруҳлари "душманни аҳоли пунктидан сиқиб чиқармоқда," дрон операторлари ва артиллериячилар украиналикларнинг жанговар техникаларини йўқ қилмоқда.
4 апрель, жума куни Украина президенти Володимир Зеленский Россия Украина қўшинларини Курск вилояти ҳудудидан сиқиб чиқармоқчи эканини айтди: "Улар бизни Курск вилоятидан бутунлай сиқиб чиқармоқчи, аммо ҳамма биз у ерда эканлигимизни яна бир бор тушуниб, тасдиқламоқда. Ҳеч қандай қуршов йўқ, биз Курск вилоятидамиз. Ва нафақат Курск вилоятида, бошқа жойларда ҳам бизнинг иштирокимиз бор."
Зеленскийнинг фикрича, Курск операцияси Украина учун муҳим аҳамиятга эга, чунки у Украина фронтидаги бошқа йўналишлардан рус ҳарбийларининг бир қисмини ўзига жалб қилишга имкон берди.
"Улар ғалабали қадамларни кўрсатишни истайдилар, бироқ ҳозирча биз у ерда турибмиз ва кўп сонли ҳарбийларни банд қилиб турибмиз. Курск йўналишида 64 минг нафар рус аскари жойлашган. Бу бошқа йўналишларда бўлиши мумкин бўлган жуда катта куч," - деди Украина президенти.
Қувайт энди Эронга ошкора ваъда берди
Чернобил ҳайвонларида кутилмаган суперқобилиятлар аниқланди
Эндиликда 11,25 млн сўмдан юқори пул ўтказмалари қатъий назоратда бўлади
