Орбан: "Россия НАТО ва Европа Иттифоқи давлатларига ҳужум қила олмайди"

Европа Иттифоқи ва НАТО ҳарбий ва иқтисодий жиҳатдан Россиядан анча қудратли, шунинг учун Москва ҳужуми хавфидан қўрқиш бемаъни.

Бу ҳақда Венгрия бош вазири Виктор Орбан Германиянинг Axel Springer медиа гуруҳига берган интервьюсида маълум қилган.

"Европа Иттифоқида 400 миллиондан ортиқ одам бор, Россияда эса 140 миллион ёки шунга ўхшаш. ЯИМимиз осмонга кўтарилмоқда, Россия эса пасайиб бормоқда. Агар Европа Иттифоқининг 27 давлатининг ҳарбий салоҳиятини қўшсангиз, биз руслардан анча кучлимиз", - деди Венгрия бош вазири.

Агар НАТО ўзининг барча имкониятларини ишга солса, унинг молиявий ва ҳарбий қудрати етарли бўлади, дея давом этди у, ва Рамштейн давлатлари биргаликда "бундан ҳам кучлироқ".

Орбан, агар вазият кескинлашса, Россия ядро қуролидан фойдаланишга киришиши мумкинлигига қатъий ишонч билдирди. "Агар ядровий давлат анъанавий урушда мағлуб бўлса, мен аниқ ишонаманки, биз қайси давлат ҳақида гапирмасак ҳам, ядровий хавф дарҳол юзага келади", деб тушунтирди Венгрия Бош вазири.

Унинг фикрича, жанг майдонида устунликни намойиш қилиб, “вазиятни кучайтириш” керак эмас. "Биз ўз кучимизни олдинги сафларда эмас, музокаралар столида намойиш этишимиз керак", деди Орбан.