АҚШ Махфий хизмати агентлари Оқ уй яқинида ўғирланган автомобиль ичида бўлган қуролли шахсни қўлга олди. У АҚШ президенти Дональд Трампга суиқасд уюштиришни режалаштирганликда гумон қилинмоқда.
Lenta нашрининг Shot Telegram каналига таяниб хабар беришича, гумонланувчи Ронни Йордрикс Гуанипа Кринос 2024 йил март ойида АҚШ чегарасини ноқонуний кесиб ўтган Венесуэла фуқароси ҳисобланади. У аввал қўлга олинган, аммо кейинчалик озод қилинган.
Қўлга олиш вақтида у Махфий хизмат ходимларига бошидаги овозлар уни Вашингтонга бориб, Оқ уйнинг амалдаги раҳбарини ўлдиришга ундаганини айтган.
Гумонланувчи бошқарган автомобиль тинтув қилинганда, ундан AR-15 русумли милтиқ, иккита тўппонча ва ўнлаб ўқ-дорилар топилган.
Маълум қилинишича, Кринос аввал ҳам ўғирлик, ўғирланган мол-мулкни қабул қилиш, милтиқ олиб юриш ва бошқа ўқотар қуроллар билан боғлиқ ҳуқуқбузарликларда айбланган.
Ҳозирда у тергов ҳибсида сақланмоқда. Ҳодиса оқибатида ҳеч ким жароҳат олмаган.
"Майли мени ўлдиришсин. Лекин... "
Ўзбекистонда кескин совуқ ва кучли ёғингарчилик кутилмоқда
Энди бокиралик капсуласини сотган, уни етказиб берган ва унга буюртма берган фуқаролар қамалади
