Оқ уй “хавф юқори” бўлган 19 мамлакат фуқароларининг грин-карталарини қайта кўриб чиқади

“Медуза”: Оқ уй “хавф юқори” бўлган 19 мамлакат фуқароларининг грин-карталарини қайта кўриб чиқади. Трамп эса “учинчи дунё мамлакатларининг барчасидан” миграцияни тўхтатишга ваъда берди

АҚШ фуқаролик ва миграция хизмати раҳбари Жозеф Эдлоунинг маълум қилишича, президент Доналд Трамп унга “ташвиш уйғотаётган ҳар қандай давлатдан келган ҳар бир хорижий фуқароларнинг грин-карталарини тўлиқ ва пухта қайта текшириш”ни топширган.

"Қайси мамлакатлар рўйхатга киритилгани ҳақидаги саволга жавобан, миграция хизмати Трампнинг июн ойидаги фармонига ишора қилди. Унда мамлакатлар миллий хавфсизлик ва терроризмга қарши кураш мезонлари бўйича бир неча тоифага ажратилган эди", дея ёзади нашр.

Мазкур фармонга кўра, “энг хавфли” тоифага 12 мамлакат — Афғонистон, Гаити, Эрон, Ливия, Яман ва бошқалар кирган. Ушбу мамлакатлар фуқароларининг Қўшма Штатларга кириши мулақо чекланган. Кейинги тоифада (кириш қисман чекланган) яна етти мамлакат, жумладан Того, Туркманистон ва Венесуэла бор. Россия ва Беларус бу рўйхатларда йўқ.

"АҚШ тўлиқ тикланиши учун учинчи дунё мамлакатларининг барчасидан миграцияни абадий тўхтатиш зарур. Қўшма Штатларга аниқ фойда келтирмайдиганларни мамлакатдан чиқариб юборишимиз лозим", — дея фикр билдирди АҚШ президенти.