Оқ уй Трампнинг биринчи муддатда Владимир Путин билан учрашишига тўсқинлик қилишга уринди.
Бу ҳақда The Economist нашри ёзмоқда.
Нашрнинг таъкидлашича, АҚШ президенти Дональд Трамп маъмурияти унинг аввалги фаолияти давомида Путин билан гаплашишига тўсқинлик қилишга уринган.
"Биринчи даврдаги ишимизнинг ярми унинг Путин билан гаплашишига йўл қўймаслик эди. Биз тушундикки, Россия бу йигитни скрипка каби ўйнайди", - деди исмини ошкор этмаган Республикачилар томонидан тайинланган амалдор нашрга.
The Economist таъкидлашича, Россия америкаликларга Украина масаласидан ҳам ташқарида хавфли ва коррупцион бизнес битимларини таклиф қилишда маҳоратини намойиш этди. Путин Трамп тинчлик музокараларида иштирок этишини давом эттириши кераклигини тушунади ва эҳтимол ён беришга ҳаракат қилади, дейди нашр.
Айни пайтда Америка президенти ўз таҳдидларини амалга оширишга ва россияликларга босим ўтказишга тайёр эканлигидан дарак йўқ, деб ёзади The Economist. Қайд этилишича, у ўтмишда оқибатсиз бундай баёнотларни тез-тез айтган. Путин ва Трамп ўртасидаги суҳбат Кремль учун вазиятни нормал ҳолатга қайтариши мумкин.
