Аxios ҳисоботига кўра, Оқ уйнинг Исроил Бош вазири Бенямин Нетаняху ҳукуматига ишончсизлиги Тел-Авив минтақада кўп фронтли уруш олиб бораётгани сабабли сўнгги ҳафталарда кучайди.
Вашингтон ишончининг заифлашиши Исроил Эроннинг 1 октабрдаги баллистик ракета ҳужумига жавоб чораларини тайёрлаётган пайтга тўғри келади. Вашингтон бунга қарши эмас, балки Исроилдан «аниқлик ва ошкоралик»ни кутади, чунки Исроилнинг ҳар қандай ҳужуми Америка кучлари ва минтақадаги манфаатлари учун хавфсизлик билан боғлиқ, деди тўрт нафар АҚШ расмийси.
«Бизнинг исроилликларга бўлган ишончимиз жуда паст ва бунинг яхши сабаблари бор», деди расмийлардан бири.
Бироқ, Ахиос билан суҳбатлашган америкалик расмийлар Қўшма Штатлар Исроилга ҳали ҳам ёрдам бериши мумкинлигини тан олди.
АҚШ Исроилнинг Ҳамас ва Ҳизбуллоҳ етакчиларини ўлдиргани ҳақида қоронғиликда қолди: АҚШ Мудофаа вазири Ллойд Остин Насруллоҳнинг ўлимига сабаб бўлган зарба ҳақида хабардор бўлгач, ғазабланган.