Олмалиқда 50 ёшли шахс ЙТҲ қурбони бўлди

Олмалиқ шаҳрида пиёда машина уриб кетиши оқибатида ҳалок бўлди.

Жорий йилнинг 8 октябр куни соат тахминан 00:05 ларда, Тошкент вилояти Олмалиқ шаҳар, А.Темур кўчасида ҳайдовчи, 2005 йилда туғилган О.Ш «Нексия-3» русумли транспорт воситасини бошқариб кетаётиб, тартибга солинмаган пиёдалар ўтиш жойидан йўлни кесиб ўтаётган пиёда —1974 йилда туғилган У.Ани уриб юбориб, йўл-транспорт ҳодисаси содир этган.

ЙТҲ натижасида пиёда олган тан жарохатлари оқибатида воқеа жойида вафот этган.

Ҳозирда ҳолат юзасидан Олмалиқ шаҳар ИИБ Тергов бўлими томонидан терговга қадар суриштирув ишлари олиб борилмоқда.