Олимлар шаҳар канализация тизимида аллигаторларнинг кўплигини кўриб «ҳайрон қолишди»

Тадқиқотчиларнинг фикрича, бу ҳолат экологик онгли шаҳар режалаштириш ишларини келтириб чиқариши мумкин.

Янги тадқиқотда олимлар маълум қилишича, Флорида канализация тизимлари аллигаторлар, енот ва бошқа ўнлаб ҳайвонлар билан тўлиб-тошган, улар шаҳар бўйлаб ҳаракат қилиш учун дренаж қувурларидан фойдаланмоқда.

Бутун дунё бўйлаб ёввойи ҳайвонлар тез суръатда давом этаётган урбанизация туфайли инсон томонидан ўзгартирилган муҳитда яшашга мажбур бўлмоқда.

"Urban Naturalist" журналида чоп этилган янги тадқиқотда ёввойи ҳайвонлар Флориданинг яхши боғланган ер ости ёмғир сувлари канализация тизимларидан (ССС) қандай фойдаланиши ўрганилди.

Тадқиқотчилар, айниқса штатнинг Алачуа округида, ёввойи ҳайвонлар бу йўлдан қандай фойдаланишини аниқлаш учун камера тузоқларидан фойдаланишди.

Умуман олганда, олимлар канализация тизимидан ҳаракатланиш учун фойдаланадиган умуртқалиларнинг жами 35 турини, жумладан, амфибиялар, судралиб юрувчилар ва қушларни аниқладилар.

Флорида университетининг тадқиқот ҳаммуаллифи Алан Иворй New York Times газетасига: "У ердаги ҳайвонларнинг кўплиги бизни ҳайратга солди," деб айтди.

Судралиб юрувчиларнинг етти тури ҳам аниқланди, жумладан, Америка аллигатори "энг кўп жойларда қайд этилган".

Тадқиқотчилар айтишича, судралиб юрувчиларнинг аксарияти тадқиқот даврининг ярмидан кўп қисмида сув сақланиб қолган жойларда топилган.

Олимларнинг таъкидлашича, баъзи судралиб юрувчилар, жумладан, сариқ қоринли сирғанчиқ тошбақа тури қувурлардан ҳовузлар орасидаги йўлак сифатида фойдаланган.

Тадқиқот шуни кўрсатадики, бир қанча ҳайвонлар гавжум йўлларни кесиб ўтмаслик учун канализация тизимидан фойдаланмоқда.

Тадқиқотчилар айтишича, айрим ҳайвонлар, айниқса кичикроқлари, бўронлар тизимга катта миқдордаги сувни олиб кирганидан сўнг канализацияга оқиб тушганга ўхшайди.

"Аллигаторлар кузатилган 5 та жойдан 4 таси оддий қувурлар бўлиб, шу сабабли аллигаторлар кузатувларининг аксарияти (50 та кузатувдан 35 таси) бир ҳовуздан иккинчисига сузиб ўтган ҳайвонлар бўлган ва шу тариқа гавжум йўлларни кесиб ўтишдан қочган," деб ёзишади олимлар.