Келажакдаги урушлар анъанавий қуроллар эмас, инсон онги ва қарор қабул қилиш қобилиятига қаратилган бўлиши мумкин. Бу ҳақда Буюк Британиядаги Брэдфорд университети олимлари огоҳлантирмоқда.
Мутахассислар сўзларига кўра, бугун депрессия ёки посттравматик стресс синдромини (ПТСР) даволаш учун қўлланилаётган нейротехнологиялар эртага инсон иродасини босиш, хотираси, қўрқуви, уйқуси ва хулқ-атворини назорат қилиш воситасига айланиши мумкин. Бу турдаги таъсир воситалари шартли равишда «нейроқурол» деб аталмоқда.
Олимлар Майкл Кроули ва Малкольм Дандо янги китобида мияга таъсир қилиш бўйича тажрибалар илгари ҳам мавжуд бўлганини эслатади. Хусусан, ЦРУ ва СССР даврида ўтказилган махфий тадқиқотлар, шунингдек, 2002 йилда Москвадаги «Дубровка» театрида қўлланган фентанил асосидаги газ мисол қилиб келтирилади. Ўшанда гаровга олинган 120 дан ортиқ киши ҳалок бўлган, ҳолбуки бу «чора-тадбир» сифатида изоҳланган эди.
Мутахассислар таъкидлашича, бугун нейроилм ва сунъий интеллект тараққиёти миянинг муайян зоналарига аниқ ва мақсадли таъсир ўтказиш имконини бераяпти. Халқаро ҳуқуқ эса бундай хавф-хатарларга тайёр эмас.
Олимлар нейроқуроллардан фойдаланиш эҳтимоли инсоният учун жиддий таҳдид эканини, бу соҳада халқаро назорат ва қонунчиликни зудлик билан ишлаб чиқиш зарурлигини таъкидламоқда.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия дарҳол ҳарбий ҳаракатларни тўхтатишга тайёр,
