ОФК яна бир қоидабузарлик учун ЎФАга жарима солди

Осиё футбол конфедерацияси (AFC) Тартиб-интизом ва этика қўмитаси «Mirabror Usmanov Memorial Cup 2025» халқаро мусобақасига оид қарорни эълон қилди.

📅 Мусобақа 2025 йил 22–28 июль кунлари ўтказилган бўлиб, у AFC Regulations Governing International Matches низомининг 11.13-моддаси (Халқаро ўйинлар ва мусобақалар учун рухсат бериш тартиби») билан тартибга солинади.

📋 Интизомий қарорга кўра, Ўзбекистон футбол ассоциацияси (ЎФА) мусобақани ўтказиш учун рухсат сўраш мурожаатини белгиланган муддатдан кейин юборган.
🔹 Бу ЎФАнинг қайд этилган давр ичидаги еттинчи қоидабузарлиги ҳисобланади.

⚖️ Қарор:
1️⃣ ЎФА AFC Regulations Governing International Matches низомининг 11.131-моддасини бузгани учун 1 500 АҚШ доллари миқдорида жаримага тортилади.
2️⃣ Жарима миқдори қарор етказилган санадан бошлаб 30 кун ичида тўланиши керак (ОФК Тартиб-интизом ва этика кодекси 11.3-моддасига мувофиқ).

📌 Манба: AFC Disciplinary and Ethics Committee

Маълумот учун:
“Mirabror Usmanov Memorial Cup 2025” халқаро мусобақаси 2025 йил 22 июль — 28 июль Тошкентда кунлари бўлиб ўтди. Унда Япония U-23 терма жамоаси ғолибликни қўлга киритган бўлса, Ўзбекистон U-23 жамоаси иккинчи ўринни қўлга киритди.