Корея Республикаси президенти Юн Сок Ёлнинг қамоқда сақлаш муддатини узайтириш зарурлиги тўғрисидаги суд мажлиси ўтказилаётган Ғарбий округ суди ҳудудига рухсатсиз киришга уринган камида 17 киши ушланди, деб хабар бермоқда Yonhap агентлиги.
Унинг маълум қилишича, маҳаллий вақт билан тахминан соат 17:24 да бир эркак суд биноси атрофидаги девордан ошиб ўтган ва дарҳол қўлга олинган. У президентни озод қилишни талаб қилган. Шундан сўнг яна 16 киши тўсиқдан ошиб ўтиб, суд ҳудудига кирган. Улар ҳам ушланган. Бу шахслар президент тарафдорлари бўлиши тахмин қилинмоқда.
Суд биноси олдида президентнинг тарафдорлари митинг ўтказмоқда, улар президентни қамоқдан озод қилишни талаб қилмоқда. Полициянинг маълумотларига кўра, тахминан 12 минг киши иштирок этмоқда.
Қамоқ муддатини узайтириш бўйича суд мажлиси маҳаллий вақт билан соат 14:00 да бошланди. Собиқ президентлар билан боғлиқ шунга ўхшаш эшитувлар тажрибасидан келиб чиқиб, масала ечими кечаси кеч соатларгача чўзилиши мумкинлиги тахмин қилинмоқда.
Шавкат Мирзиёев «Манчестер Сити» футбол клуби хўжайини билан учрашди
"Кутилмаган томондан келган зарба": Эроннинг бу қарорига одамлар нима деяпти?
АҚШ Украинадаги можарода Россия ғалаба қозонганини эълон қилди
