Нур-Султон 27 январь куни террорчилик таҳдидининг «қизил» даражасини бекор қилади. Бу ҳақда шаҳар терроризмга қарши кураш штаби хабар бермоқда.
«Қарорга кўра, шаҳарда 27 январь куни соат 00:00дан бошлаб террорчилик хавфининг юқори «қизил» даражаси бекор қилинади», — дейилади расмий баёнотда.
Қайд этилишича, ҳуқуқ-тартибот ходимлари одатдагидек иш графигига ўтади.
Қозоғистон бўйлаб фавқулодда ҳолат жорий йилнинг 19 январь куни бекор қилинганди.