Германияда Фишер шахмат бўйича "Freestyle Chess G.O.A.T Challenge" турнири ўз якунига етди.
Бугунги куннинг энг кучли 8 нафар гроссмейстери ўртасида ташкил этилган баҳсда ҳамюртимиз Нодирбек Абдусатторов ҳам иштирок этди.
Юртдошимиз 8 та тур якунига кўра, 5,5 очко жамғарди ва мусобақанинг саралаш босқичи ғолибига айланди.
У сўнггии турда Магнус Карлсенни мағлубиятга учратди.
Нодирбек мусобақа давомида Алиризо Фируджа, Магнус Карлсен, Гукеш ва Динг Лиренни мағлуб этган бўлса, Винценс Кеймер, Фабиано Каруана, Левон Аронян билан дуранг ўйнади.
Энди у асосий баҳсларни 1-ўрин сифатида бошлайди.