Nike моторли кроссовкаларини тақдим этди

Nike компанияси “Project Amplify” номли моторли кроссовкалар прототипини намойиш қилди. Қурилма компаниянинг расмий саҳифасида тақдим этилган.

Технологиянинг асосий хусусиятларига кўра, кроссовка бўлдир ва тўпиқ ҳаракатларини кучайтириш учун мўлжалланган. Пойабзалга мотор, узатма тасмаси ва қайта қувватланадиган манжет-батарея ўрнатилган. Уни ҳам мотор билан, ҳам моторсиз ҳолда кийиш мумкин.

Янги технология профессионал спортчилар учун эмас, балки узоқ юрадиган ёки кўпроқ югуришни режалаштираётган одамлар учун мўлжалланган. Пойабзал ҳаракат тезлигини ошириш ва узоқ масофани енгил босиб ўтишга ёрдам беради.

Nike компанияси вице-президенти Майкл Донагюнинг таъкидлашича:
“Project Amplify қадамингизга қўшимча куч беради. Сиз ўйлаганингиздан ҳам кўпроқ натижага эришишингизни англаш — бу алоҳида завқ.”

Ҳозирда лойиҳа синов босқичида бўлиб, пойабзал бир неча йил ичида сотувга чиқарилиши мумкин.