Нигерияда ёқилғи танкери портлаши оқибатида 30 киши ҳалок бўлди

Нигериянинг Нигер штатида ёқилғи ташувчи танкер портлаши натижасида камида 30 киши ҳалок бўлди, деб хабар бермоқда маҳаллий ОАВ.

Маълумотларга кўра, фожеа Кутч туманидаги Бида-Агайе трассасида содир бўлган. Ёқилғи ортилган юк машинаси йўлда агдарилиб кетган, шундан сўнг бир гуруҳ фуқаролар ёқилғини ўғирлашга уринишган. Шу пайт кутилмаганда портлаш юз берган.

Ҳодиса натижасида ўнлаб одамлар жароҳат олган, ҳолат юзасидан тегишли идоралар тергов ишларини бошлаган.

Фожеа содир бўлган ҳудудга ўт ўчириш ва тез тиббий ёрдам хизматлари жўнатилган.