“Формула-1” пойгаси Ўзбекистонда ўтказилиши мумкин

Ўзбекистон “Формула-1” пойгасининг айрим босқичларини ўз ҳудудида ўтказиш имкониятини кўриб чиқмоқда.

Бу ҳақда таниқли британиялик журналист Жо Сейвард хабар берди.

Унга кўра, Ўзбекистон вакили Сингапурда бўлиб ўтган Гран-прига ташриф буюрган ва пойга давомида “Формула-1” пойгасининг айрим босқичларини Тошкент ва мамлакатнинг бошқа йирик шаҳарларида ўтказиш имкониятларини муҳокама қилган.

– Пойга Таиланд, Жанубий Корея ва Ўзбекистонда ўтказилиши мумкин. Бу эса ушбу мамлакатларда автоспортга қизиқиш ортиб бораётганидан далолат беради, – деди Жо Сейвард.