Кучли ёғингарчилик туфайли Майдугури шаҳридаги тўғон ёрилиб кетди. Сув оқими таъсирида ушбу ҳудуддаги қамоқхона деворларидан бири қулаб тушган. Натижада 281 маҳбус, жумладан, радикал “Боко Ҳарам” гуруҳи аъзолари қочиб кетган.
"Қочганларнинг бир қисми аллақачон қўлга олинди, қолган қочқинларнинг шахси маълум қилинди ва уларни қидириш давом этмоқда", дея маълум қилди ахлоқ тузатиш муассасаси раҳбарияти.
