Нигерияда қуролли ҳужумлар оқибатида 7 киши ҳалок бўлди

Нигериянинг Бенуе штатида содир этилган қуролли ҳужумда камида етти киши ҳалок бўлди.

Штат палатасининг Отукпо-Акпа бўйича вакили Кеннеди Ангбонинг айтишича, қуролли шахслар штатнинг Отукпо-Акпа ҳудудида ҳужум уюштирган.

Ангбонинг қайд этишича, ҳужум оқибатида 7 киши ҳалок бўлган, 20 дан ортиқ киши жароҳатланган.

Унинг сўзларига кўра, ҳужум чоғида кўплаб уйлар ёндирилган ва юзлаб одамлар қўрқувдан уйларини тарк этган.

Бенуе штати Фулани чорвадорлари ва деҳқон жамоалари ўртасида вақти-вақти билан шиддатли тўқнашувларни кўрди.

Молларини ўтлаш учун мамлакат жанубига кўчиб келган фуланиларнинг таъкидлашича, фермерлар уларнинг молларини ўғирлаб, уларга ҳужум қилишга уринмоқда.

Қуролли тўдалар ҳам бу тўқнашувлардан фойдаланиб, ҳужумлар уюштириб, маҳаллий аҳолини гаровга олади.