Нигерия пойтахти Абуджа шаҳрида Угандадан самолётда келган аёлда Эбола вируси аниқланди. Бу ҳақда мамлакат Соғлиқни сақлаш вазирлиги маълум қилди. Бемор шифохонага ётқизилган, вирус билан алоқада бўлган бўлиши мумкин бўлган 44 киши кузатувга олинган.
Уганда Соғлиқни сақлаш вазирлиги маълумотига кўра, Нигерия фуқароси мамлакат ҳудудидан фақат транзит орқали ўтган. У бунга қадар Конго Демократик Республикасининг шарқий қисмида бўлган. Аввалроқ Угандада Эбола билан касалланиш ҳолатлари қайд этилган бўлса-да, кейинчалик мамлакатда фаол ҳолатлар қолмагани эълон қилинган.
Конго Демократик Республикасида Эбола эпидемияси май ойидан бери давом этмоқда. Сентябрь ўртасидаги маълумотларга кўра, мамлакатда 7 мингдан ортиқ зарарланиш ҳолати тасдиқланган, 3 300 дан зиёд киши вафот этган.
Август ойи охирида Конго Демократик Республикасига Ervebo вакцинасининг илк партияси етказилган. Жаҳон соғлиқни сақлаш ташкилоти ушбу вакцина вируснинг тарқалаётган штаммига қарши ҳимоя беришига умид қилмоқда.
Эбола вируси оғир геморрагик иситмани келтириб чиқаради. Бундибугио штамми билан касалланганларда ўлим даражаси 50 фоизгача етиши мумкин. Ҳозирча ушбу штаммга қарши тасдиқланган даволаш усуллари ва вакциналар мавжуд эмас.
Конго Демократик Республикасида ҳукумат кучлари ва исёнчилар ўртасидаги қуролли можаро вирус тарқалишининг олдини олиш бўйича саъй-ҳаракатларни қийинлаштирмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
