Нидерландиянинг GasTerra компанияси Россия гази учун тўловларни рублда амалга оширишдан бош тортди. Бу ҳақда компания матбуот хизмати душанба куни хабар берди.
Қайд этилишича, ушбу қарорга жавобан “Газпром” 31 майдан газ етказиб беришни тўхтатишини маълум қилган.
"Бу Европа Иттифоқи томонидан киритилган санкцияларни бузиши мумкинлиги, шунингдек, талаб қилинадиган тўлов опсияси билан боғлиқ жуда кўп молиявий ва оператцион рисклар мавжудлиги билан боғлиқ. Хусусан, Россия қонунчилиги бўйича Москвада ҳисоб рақамларини очиш ва уларни Россия режими тарафлари билан назорат қилиш. Гронинген компанияси учун жуда катта хавф туғдиради" - дейилади компания баёнотида.
Компаниянинг ишончи комилки, улар бошқа манбалардан етказиб берилган 2 миллиард куб метр газнинг ўрнини тўлдиришга қодир.
