Неймар Бразилия терма жамоаси сафида жаҳон чемпионатида майдонга тушишни режалаштирмоқда. ESPN нашрининг Бразилиядаги филиали берган хабарга кўра, футболчи «Сантос»даги жамоадошлари билан бўлажак мундиалда иштирок этиш имкониятларини доимий равишда муҳокама қилиб келмоқда.
Қайд этилишича, Неймар жаҳон чемпионати ҳақида тинимсиз гапиради ва ушбу турнирни ўз фаолиятидаги сўнгги миссия деб ҳисоблайди.
Февраль ойининг бошида Неймар ўзининг 34 ёшини қарши олди. Эслатиб ўтамиз, ўтган жаҳон чемпионатида Бразилия терма жамоаси чорак финалда Хорватияга мағлуб бўлиб, мусобақани тарк этган эди. Ўша ўйиндан сўнг Неймар кўз ёшларини тия олмаганди.
2026 йилги жаҳон чемпионатининг гуруҳ босқичида Бразилия терма жамоаси Шотландия, Марокко ва Гаити терма жамоаларига қарши баҳс олиб боради.
"Ал-Ҳилол" футболчилари Бензема билан шартнома имзоланганидан афсусда
Гвардиола нега Ҳусанов "Ньюкасл"га қарши ўйин танаффусида майдонга туширилганини изоҳлади
Суперлига клублари раҳбарлари ҳибсга олинди
