Нетаняху Трамп Эроннинг ракета ҳужумидан кейин Исроилнинг жавоб зарбасини чеклаш учун унга босим ўтказганини айтди

Унинг сўзларига кўра, Трамп ундан “улар сенинг бирор одамингни ўлдирдими” деб сўраган. Бунга жавобан Нетаняху шундай деганини маълум қилди:

“Мен фақат одамлар ҳалок бўлсагина жавоб қайтаришимиз керак деган тенгламани қабул қилишга тайёр эмасман. Агар улар Исроил ҳудудига ҳужум қилса, мен жавоб бераман ва қарши зарба йўллайман”.

Вашингтонга қарам бўлиб қолиш борасидаги хавотирларга тўхталар экан, Нетаняху вазирларга қарата: “Биз америкаликларга бўйсунмаймиз, биз уларнинг иттифоқчисимиз” деб таъкидлади.