Нетаньяху Исроилнинг АҚШдан ташқари бошқа иттифоқчилари ҳам борлигини маълум қилди

Исроил Бош вазири Биньямин Нетаньяху Исроил нафақат Қўшма Штатлар, балки бошқа давлатлар томонидан ҳам қўллаб-қувватланаётганини маълум қилди.

«Бизнинг бошқа дўстларимиз ҳам бор. Масалан, 1,4 миллиард аҳоли истиқомат қиладиган кичкинагина Ҳиндистон давлати. У ерда биз жуда катта қўллаб-қувватлашга эгамиз», — деди Нетаньяху Fox News телеканалига берган интервьюсида.

Шу билан бирга, Бош вазир АҚШ Президенти Дональд Трамп барча Америка раҳбарлари ичида Исроилнинг энг буюк дўсти эканини алоҳида таъкидлаб ўтди.