Босқинчи исроил бош вазири Бинямин Нетаняху исроилда Ғазо учун болалар шифохонаси қурилишига қарши чиқди, дея хабар беради унинг идораси.
Мудофаа вазири Ёав Галлант Рафаҳ чегара пунктининг ёпилиши касал болаларнинг хорижда тиббий ёрдам олишига тўсқинлик қилганидан сўнг, «қисқа муддатли ечим» сифатида болалар дала касалхонаси очилишини эълон қилганди.
Бу ҳаракат «касал болаларни эвакуация қилиш ва даволаш учун доимий механизм ишлангунга қадар инсонпарварлик эҳтиёжларини қондириши зарур», деганди ўша пайтда Галлант.
Бироқ, Нетаняху ҳукумати лойиҳанинг маъқулланмаганини ва шунинг учун «амалга оширилмаслигини» эълон қилди.
Май ойида исроил анклавда касаллар кириши мумкин бўлган ягона ўтиш жойини эгаллаб олиб, ёпиб қўйган эди.