Нетаньяҳу Исроилнинг Ҳизбуллоҳга қарши операцияси давом этишини маълум қилди

Исроил Бош вазири Биньямин Нетаньяҳу Хавфсизлик кенгаши йиғилишидан сўнг Исроил Мудофаа кучларининг (IDF) Ливандаги Ҳизбуллоҳга қарши операцияси ҳали якунланмаганини билдирди.

«Эрон ва Ҳизбуллоҳга қарши кампания ҳали тугамади. Сўнгги 24 соат ичида улар бизга янги шартлар қўйишга ҳаракат қилди ва буни қабул қилиб бўлмайди», деди Нетаньяҳу. Унинг таъкидлашича, Эрон ва Ҳизбуллоҳ ҳозир ҳар қачонгидан ҳам заифлашган.

7 июнь кечқурун Исроил армияси Ҳизбуллоҳ томонидан мамлакат шимолига ракета ҳужумлари уюштирилганига жавобан Байрутнинг жанубий чекка ҳудудларига зарбалар берди. Шундан сўнг Эрон ҳам Исроил ҳудудига ҳужум қилди.

АҚШ президенти Дональд Трамп Эронни музокараларга қайтишга чақирди ҳамда Исроилдан жавоб зарбаларини кечиктиришни сўради.

8 июнь куни тушдан кейин Исроилнинг N12 телеканали манбаларига таяниб, Исроил АҚШ илтимосига кўра Эрон ҳудудига зарбаларни тўхтатишга рози бўлганини хабар қилди. Бироқ манба маълумотларига кўра, Ливан жанубидаги нишонларга қарши ҳарбий ҳаракатлар давом этади.

Нетаньяҳунинг баёноти Исроилнинг Ҳизбуллоҳ ва Эронга қарши босимни сақлаб қолиш нияти борлигини кўрсатади, гарчи Вашингтон минтақадаги кескинликни пасайтириш учун дипломатик саъй-ҳаракатларни давом эттираётган бўлса ҳам.