Непалнинг вақтинча бош вазири мамлакатда сайланган ҳукумат пайдо бўлиши билан истеъфога чиқишини маълум қилди.
"Мен бу лавозимни эгаллашни истамаган эдим. Кўчаларга чиққан намойишчиларнинг овози мени ууни қабул қилишга ишонтирди, — деди Сушила Карки.
Непалнинг олдинги бош вазири, Коммунистик (бирлаштирилган марксистик-ленинистик) партия етакчиси Шарма Оли ўтган ҳафта бўлиб ўтган кенг кўламли норозилик намойишларидан сўнг истеъфога чиққан эди. Сўнгги маълумотларга кўра, ушбу намойишларда 72 киши ҳалок бўлган, минглаб инсонлар жароҳатланган.
Шарма Оли истеъфога чиққанидан кейин ҳам норозиликлар тўхтамади. Намойишчилар бир нечта сиёсатчиларнинг уйларини вайрон қилди ва парламент биносини ёқиб юборди.
Маҳаллий оммавий ахборот воситаларининг хабар беришича, Непал Олий судининг собиқ раиси ва коррупцияга қарши курашчи сифатида танилган Сушила Карки Дисcорд ижтимоий тармоғидаги муҳокамалар орқали мамлакат бош вазирлигига номзод сифатида танланган.
Шундан сўнг Сушила Карки президент ва қуролли кучлар қўмондони билан келишилган ҳолда Непалнинг вақтинча бош вазири этиб тайинланди.
Николай Валуевга нисбатан қидирув эълон қилинди
БМТда Фаластинга доир муҳим ҳужжат қабул қилинди. Қайси давлатлар қарши овоз бергани маълум
Доҳада оммавий норозилик бошланди
